Unforgiven - An unforgettable peek into the wild west.....

சில படங்கள் பார்த்த பின் சிந்திக்க வைக்கும்,சில படங்கள் பிரமிக்க வைக்கும்,சில படங்கள் ஏண்டா பார்த்தோம் என்று ஆக்கிவிடும். சில படங்கள் மட்டும் பார்த்த உடன் மனதிலேயே நிலைத்து விடும். Unforgiven அப்பேற்பட்ட படங்களில் ஒன்று.


1992 இல் Clint Eastwood இன் இயக்கத்திலும்,நடிப்பிலும் வெளி வந்தது இந்தப்படம். Wild west என்றதும் நினைவுக்கு வருவது என்ன?துப்பாக்கியை வேகமாக கையாளும் ஒரு ஹீரோ,ஒரு மோசமான வில்லன்,அவனிடம் சிக்கிய ஒரு நகரம் அல்லது பெண்,அதைக் காப்பாற்றும் ஹீரோ.இல்லையென்றால் தங்கம் தேடி நடக்கும் சண்டைகள் இது தானே? Well,not here guys.......


ஹீரோவின் கம்பீரமான முகத்திற்கு பதில், Wild west இன் அசிங்கமான முகமே இதில் பதியப்பட்டு இருக்கிறது.அதுவும் wild west கேரக்டர்களில் நடித்து பெரும் பெயர் பெற்ற கிளின்ட் ஈஸ்ட்வுட்டினால்........


படத்தின் கதையே மிகவும் வித்தியாசமான ஒன்று.குடி போதையில் இருந்த இரண்டு கௌபாய்களினால் விலைமகள் ஒருத்தியின் முகம் விகாரப்படுத்தப்பட்ட,அவர்களைப் பழிவாங்க, அவர்களைக் கொல்பவர்களுக்கு ஆயிரம் டாலர்கள் பரிசு என்று அறிவிக்கிறார்கள் அவளுடைய சக தொழிலாளிகள்.


இதைக் கேள்விப்பட்ட Schofield Kid (Jaimz Woolvett) என்னும் இளைஞன்,முன் ஒரு காலத்தில் மிகப்பெரிய கிரிமினலாக இருந்து,பின்னர் ஒரு பெண்ணினால் மனம்மாறி திருந்தி வாழ்ந்து கொண்டு இருக்கும் William Munny (Clint Eastwood) ஐ பார்க்க வருகிறான்.இந்த வேட்டையில் தன்னோடு பங்கு கொள்ளுமாறு கேட்கிறான்.ஆரம்பத்தில் தயங்கினாலும்,தாயில்லாத தன்னுடைய பிள்ளைகளின் எதிர்காலத்திற்காக பணம் சேர்க்க ஆசைப்படும் முன்னி,இதற்கு ஒப்புக்கொள்கிறான்.தன்னுடைய நண்பனான Ned Logan (Morgan Freeman) ஐயும் தன்னுடன் சேர்த்துக் கொள்கிறான்.பரிசு அறிவித்து இருக்கும் பெண்களிடம் விவரங்களைத் தெரிந்து கொள்ள அவர்கள் இருக்கும் Big Whiskey நகரத்திற்கு போகிறார்கள்.


ஆனால் இவர்கள் போகும் நகரத்தின் ஷெரிப் Little Bill Daggett (Gene Hackman), முன்காலத்தில் gunfighter ஆக இருந்தவன்.தன்னுடைய நகரத்தில் யாரும் ஆயுதம் ஏந்தி வரக்கூடாது என்று சட்டம் இயற்றி அதை கடுமையாக நடைமுறைப்படுத்தியும் வருபவன்.மிகவும் கடுமையானவன்.ஈவு இரக்கமே அறியாதவன்.


இதற்கிடையே,தன்னுடைய பயணத்தின் போது முன்னி குற்ற உணர்ச்சியில் துடிக்கிறான்.தன்னுடைய பிள்ளைகளுக்காகவே இந்த ஈனச் செயலை செய்கிறோம் என்றும்,ஒரு பெண்ணை விகாரப்படுத்தியவனை கொல்லவே போகிறோம் என்றும் தன்னைத்தானே சமாதனப்படுத்திக் கொள்கிறான்.என்னதான் தான் மனித வேட்டைக்கு வந்தாலும் இன்னமும் தான் திருந்தியவனே என்று வலியுறுத்தி குடிக்க மறுக்கிறான்.
இப்படியாக,ஐம்பது அடிக்கு மேல் இருப்பதை சரியாக பார்க்க முடியாத கண்கோளாறு உடைய கிட்,குற்ற உணர்ச்சியில் இருக்கும் முன்னி,முன்நாளைய கிரிமினல் நெட் ஆகிய மூவரும் அந்தக் கௌபாய்களைத் தேடி செல்கிறார்கள்.

நகரத்தில் முன்னியின் நண்பர்கள் அந்தப்பெண்களை ‘சந்திக்கச்’ சென்று இருக்கும் போது,முன்னி மனைவியின் நினைவில் வர மறுத்து தனியே இருக்கிறான்.இவனிடம் ஆயுதம் இருப்பதைப் பார்த்த பில்,இவனை நையப்புடைக்கிறான்.


மூன்று நாட்கள் கழித்து,மூவரும் சேர்ந்து அந்த கௌபாய்கள் இருவரையும் கொல்லச் செல்கிறார்கள்.ஒருவன் கொல்லப்பட்ட பின்னர்,நெட் தன் பழைய வாழ்கையை மறுபடியும் வாழ்வதை ஜீரணிக்க முடியாமல் வீட்டை நோக்கி தன் பயணத்தை ஆரம்பிக்கிறான்.


இரண்டாமவனையும் கொன்ற பின்னர்,தன் நண்பன் நெட்,ஷெரிப் பில்லினால் அடித்தே கொல்லப்பட்டதை அறிந்து பழி வாங்க புறப்படுகிறான் முன்னி.இறுதியில் என்ன ஆகிறது என்பது கிளைமாக்ஸ்.




படத்தின் பலமே அதன் கதையும்,பாத்திரப்படைப்பும் தான்.

The world is neither white(good) nor black(bad),for it is grey என்பதற்கு ஏற்ப, கெட்டவனாக இருந்து,அன்பினால் நல்லவனாக மாறி,பின்னர் பரிசு வேட்டைக்கு செல்லும் போது குற்ற உணர்ச்சியிலும்,தயக்கத்திலும் வாடி,தான் அடிவாங்கிய போது சுண்டுவிரலைக் கூட உயர்த்தாமல் அடிவாங்கிவிட்டு,நண்பனின் மரணத்தை கேட்டு வெறிகொள்ளும் முன்னி, (இதை சிம்பிளாக ஒரே நொடியில் உணர்த்துவார் கிளின்ட்.அதுவரை குடிக்க மறுத்த முன்னி,தன் நண்பன் இறந்ததை அறிந்ததும்,அருகில் இருக்கும் விஸ்கியை பருகிக் கொண்டே ‘என்னைப்பற்றி தெரிந்துமா என் நண்பனைக் கொன்றான் பில்’ என்று ஒரு பார்வை பார்ப்பார் பாருங்க.ஈஸ்த்வூடால தான் அவ்ளோ அசால்ட்டா,cold blooded ஆக ஒரு பார்வை பார்க்க முடியும்)


ஆரம்பத்தில் நண்பனுக்கு உதவ தயங்காமல் வந்து,பின்னர் ஒரு உயிரை பறிக்க முடியாமல் தயங்கித் தவிக்கும் நெட்,


கண்கோளாறு இருப்பதை மறைத்து,பல உயிர்களைக் கொன்றவன் என்று ஜம்பம் பேசி,கொல்வதில் ஆர்வம் கொண்டு,முதல்முறையாக ஒரு உயிரைப் பறித்த பின்னர் துப்பாக்கியை இனி தொடவே போவது இல்லை என்று முடிவெடுக்கும் கிட்,


கடுமையின் போர்வையில் கொடுமை புரியும் ஷெரிப் என்று......


இந்தக் கதை ஹீரோ காக்கா குருவி போல பிறரை சுடும் சாகசத்தை பற்றியது அல்ல நண்பர்களே......கௌபாய் உலகின் கவர்ச்சித் தோலை உரித்து,உள்ளிருந்த அசிங்கமான உண்மைகளை சொல்லும் படம்.


There were just two types of cowboys.
Not the good and bad.....
But the coward and the killer.......
என்று பொட்டில் அறைந்து சொல்லும் படம்.இது பிறரை சுட்டுத்தள்ளும் ஹீரோவைப் பற்றிய படமல்ல.உயிரின் மதிப்பை பற்றி வலியுறுத்தும் படம்.


Unforgiven – Unforgettable............

P.S: Unforgiven – About the black, white and grey side of a man............
To all my fellow comic fans and wild west lovers, guys, get ready for the murky reality of wild west.........






குத்தணும் போல இருக்குமே.அதுக்கு தான இத வச்சுருக்கேன்.குத்துங்க.நல்லாக் குத்துங்க. :)