Banlieue 13

அப்புங்களா ….

உங்களுக்கு ஒரு நல்ல விஷயம்,அதே நேரம் ஒரு கெட்ட விஷயம்…….

நல்ல விஷயம் என்னன்னா,  இன்னும் கொஞ்ச நாளைக்கு படம் பத்தி அதிகம் எழுதலாம்னு இருக்கேன்.

கெட்ட விஷயம் என்னன்னா,என் விமர்சனக் கொடுமைய நீங்க தாங்கணும்….. :)

சரி,மேட்டருக்கு வருவோம்.

சும்மா சும்மா artistic படங்களைப் பத்தியே பதிவு எழுதி எனக்கும் போர் அடிச்சு போச்சு.அதான் இந்த முறை,ஒரு நல்ல action படத்த பத்தி பாக்கப் போறோம்.

Banlieue 13 (District 13), 2004 இல் வெளி வந்த ஒரு பிரெஞ்சு படம்.சொல்லிக்கிற அளவுக்கு பெரிய கதை எல்லாம் கிடையாது.ஆனா அருமையான action படம்.

ஒரு கெட்டவன்,

அவன எதிர்க்குற ஒரு நல்லவன்,

பிரச்னையில மாட்டிக்கிற அவனோட தங்கை,

இவங்களுக்கு உதவியா,அவனுக்குன்னே இருக்குற ஒரு காரணத்துக்காக வர்ற இன்னொரு ஹீரோ…..

இது தாங்க படம்.

2010,பாரிஸ்…..

பாரிஸில் பல புறநகர் பகுதிகள் இருந்தாலும்,Banlieue 13 கொஞ்சம் முக்கியமான இடம்.

எவ்ளோ முக்கியம்னா, அந்த இடத்த சுத்தி மதில் சுவர் கட்டி,உள்ள இருக்குறவங்கள வெளிய வர விடாம வெளியில காவல் போட்டு காக்குற அளவுக்கு ரொம்ப முக்கியமான இடம்….

உள்ளுக்க நடக்குற குற்றங்கள்,கொலைகள்,கஞ்சா,ஹெராயின்,gang war….

இத எல்லாம் தடுக்க முடியாத அரசு,அந்த இடத்த சுத்தி பெரிய சுவர் கட்டி,அந்த ஏரியாவ பாரிஸின் மற்ற இடங்கள்ல இருந்து பிரிச்சு வச்சுருது.இங்க அந்த இடம் பல பாகங்களா பிரிஞ்சு இருக்கு.ஒவ்வொரு இடத்துக்கும் ஒவ்வொரு தலைவன்.

அப்பேற்பட்ட கிரிமினல் தலைவர்கள்ல ஒருத்தன் தான் Taha Bemamud (Bibi Naceri).இவன் பண்ணாத குற்றமே கிடையாது.இவனோட முக்கியாமான குற்றங்கள்ல ஒண்ணு,drugs….

எப்படி இந்த இடத்துல கெட்டவங்க ஆட்சி பண்றாங்களோ,அது போல சில நல்லவர்களும் இருக்காங்க.மற்றவங்கள காப்பாத்தவும்,இந்த கெட்டவங்கள அழிக்கவும்,அவங்களுக்கு  எதிரா போர் புரியுற நல்லவன் தான் Leïto (David Belle).(ஒரு ஹீரோ வேற என்னதான் பண்ண முடியும் சொல்லுங்க….)

Leito வுக்கு,போதைப் பொருள்னாலே சுத்தமா பிடிக்காது.டாஹா அதுல தான் specialist.இது போதாது பத்திக்க? இவங்க ரெண்டு பேருக்கும் எப்பயும் தீராத போர் தான்.

ஒரு முறை,டாஹா கிட்ட இருந்து மில்லியன் மதிப்பு உள்ள போதைப் பொருள எடுத்து அழிச்சுடுவான் லெய்டோ.இதனால டாஹா கடுப்பாகி,லெய்டோவோட தங்கச்சியான Lola (Dany verissimo) வ பிடிச்சு வச்சுகிட்டு அவள வச்சு லெய்டோ வ பிடிச்சு,ஜெயிலுக்கு அனுப்பிடுவான்.இது போதாதுன்னு அவன் தங்கச்சிய போதைக்கு அடிமை ஆக்கி தன்னோட அடிமை மாதிரி வச்சுருப்பான்.

ஆறு மாசம் கழிச்சு,டாஹா ஒரு neutron bomb அ கடத்திருவான்.இத மறுபடியும் கைப்பற்றிக்கிட்டு வர வேண்டிய வேலைய,போலீஸ் கேப்டன் Damien Tomaso (Cyril Raffaelli) கிட்ட ஒப்படைப்பாங்க.இதுல பிரச்சனை என்னன்னா,அந்த பாம்,activate ஆகி இன்னும் 24 மணி நேரத்துல வெடிச்சுரும்.இந்த உண்மை டாஹாவுக்கும் தெரியும்.அவன் அதை பாரிஸ்க்கு நேரா aim பண்ணி வச்சுக்கிட்டு, பணம் கொடுக்கலைன்னா அழிச்சுருவேன்னு மிரட்டிகிட்டு இருப்பான்.அதே நேரம்,டமியனுக்கு b13 பத்தி ஒண்ணுமே தெரியாது.அங்கன போகவும்,அவனுக்கு உதவவும் அவனுக்கு நம்பிக்கையான ஆள் தேவை.அதுக்கு சரியானவன் லெய்டோ..

ஆனா,டமியன் போலீஸ் னு தெரிஞ்சா லெய்டோ உதவ மாட்டான்.B13 அ விட்டுட்டு போனாதால,போலீஸ் மேல அவனுக்கு தீராத வெறுப்பு.போதாகுறைக்கு அவன் ஜெயில்ல வேற இருப்பான்.இது போக ஒரு முக்கிய காரணமும் இருக்கு.ஆனா,அதை படம் பார்த்து தெரிஞ்சுக்கங்க.

அவன சம்மதிக்க வைக்க முடிஞ்சதா,leito தங்கச்சிய எப்புடி காப்பாத்தினான்,அந்த பாம் என்ன ஆகுது,b13 க்கு என்ன ஆகுதுங்கறத நீங்க படத்த பாத்து தெரிஞ்சுக்கங்க.

கதை வழக்கமான கதை தான் என்றாலும்,திரைக் கதை படத்த பிடிச்சு நிறுத்துது.பர பர வேகம்….

அதை விட கை கொடுக்குற விஷயம், parkour….

அப்டின்னா?அது ஒரு சண்டைக் கலை.இந்த படத்தோட ஹீரோக்கள்ல ஒருத்தரான  டேவிட் பெல்லே அறிமுகம் பண்ணினது.ஒரு இடத்துல இருக்குற பொருட்களையும்,தன்னோட கைகளையும் தவிர்த்து வேற எதையும் உபயோகப் படுத்தாம அங்க இருக்குற தடைகள தாண்டியோ,ஏறியோ,குதிச்சோ போவதற்கு அறிமுகப்படுத்தப்பட்டது.கட்டிடத்துக்கு கட்டிடம் தாவுறது,தடைகள தாண்டி குதிக்கிறது,கம்பில ஏறுறதுனு, இந்த கலை ஐரோப்பால பிரபலம்.

கதையில நான் சொன்ன மாதிரி முக்கியமான விசயங்கள் ரெண்டு….
David Belle.
Cyril Raffaelli.
ஒருத்தர் எஸ்கேப் ஆர்டிஸ்ட்.இன்னொருத்தர் martial artist….
சொல்லணுமா,படம் ஆரம்பிச்சு முடியுற வரை வேகம்,வேகம்,வேகம்…..போதாகுறைக்கு பொறி பறக்குற action சீன்ஸ்…. 
டேவிட்,சிரில் ரெண்டு பேருக்குமேயான அறிமுக action சீன்ஸ் ரொம்ப பிரபலம்.அதிலயும் டேவிட்க்கு வச்ச அறிமுக சீன்,உலக பிரபலம்.நீங்களே பாருங்க….

மனுஷன் பின்னி இருப்பாரு.Parkour  கலைய கண்டு பிடிச்சவரு இவரு தான்.கட்டிடம் விட்டு கட்டிடம் தாவுறது,கதவுக்கு மேல இருக்குற,அரை அடி கூட இல்லாத கேப் ல பூந்து போறது,கயித்த புடிச்சுகிட்டு கட்டத்துல குறுக்கு வாக்குல ஓடுறது னு இவர் பண்ணின எதுவுமே rope work ,கிராபிக்ஸ் இல்லாம பண்ணி இருக்காங்க.



அதுக்காக சிரில் சாதாரணம் இல்ல.அடிதடி மன்னன்.Martial artist,parkour follower,stuntman னு பல முகம் கொண்டவர் தான் இவரு.இவரு இன்ட்ரோ சீன்ல இருந்து முக்கியமான சில காட்சிகள,போக்கிரிலையும்,வேட்டையாடு விளையாடு லயும் காப்பி அடிச்சுருக்காங்க…


ஒரு ஹீரோவுக்கு இன்ட்ரோ சீன் எப்புடி வைக்கணும்னு இந்த படத்த பாத்து தெரிஞ்சுக்கங்க கோலிவுட் புண்ணியவான்களே…மரண மாஸ்னா அது இந்த இன்ட்ரோக்கள் தான்.சும்மா நூறு பேர அடிக்குறதும்,மிதிக்குறதும்,ஒரு கிலோ மீட்டர் தாவுறதும்,திருந்தவே மாட்டானுங்க போல….
படத்துல action தவிர்த்து சொல்ல வேண்டிய விஷயங்கள்,பர பர திரைக்கதையும்,சுண்டி இழுக்குற  மியூசிக்கும்,தொட்டு ஒத்திகுற மாதிரியான camera filming.
படத்துல நான் ரசிச்ச சீன்கள்….
ரெண்டு ஹீரோக்களுக்குமான இன்ட்ரோ,
கடைசி பைட்,
லோலாவ லெய்டோ காப்பாதிட்டு வர்றப்போ,அவ கிட்ட வம்பு இழுத்த ஒருத்தனுக்கு அவ தர்ற தண்டனை…..



படத்தோட trailer இதோ

Banlieue 13 – சரியான Action Entertainer….